Komnar inn nokkrar myndir af nýja fjölskyldumeðlimnum sem mætir eftir viku. Kola

Í kvöld lauk kvöldprófi sem halda átti við Tjarnhóla en var fært á tjörn neðar á heiðinni.  BFL var prófaður í gær og í kvöld var OFL og ÚFL flokkar prófaðir.  Við Atlas tókum þátt í ÚFL og náðum 1. einkunn.  Atlas var að standa sig frábærlega og einkar gott innlegg í sumarið.

Stuttar fjallgöngur er helsta heilsuræktin mín og hefur verið gaman að taka fellin hér í kring, eins og þið hafið séð er Úlfarsfellið í sérstöku uppáhaldi.  Það er líka mjög gaman að fylgjast með rjúpunni í fellinu og nú er sá tími að karrinn er að helga sér óðal og sker sig úr skjannahvítur og gjarnan spakur.

Gleðilega Páska öll sömul,

Nú er Hólabergs Tumi hjá okkur í nokkra daga, Flottur hundur sem hefur gaman af því að vinna.  Fórum á Úlfarsfellið í morgun í frekar leiðinlegu veðri, Duttum að vand í rjúpu sem Atlas fann fljótlega.  

Gærdagurinn byrjaði svo sem nokkuð hefðbundið,  Fórum á okkar slóðir uppí Úlfarsfell, Nýfallinn mjúkur snjór og þokuskyggni gerði þann túr skemmtilegan.  Komumst fljótlega í rjúpuspor og var Atlas ekki lengi að spotta út fuglana í þessu skyggni, frábær túr.  

Lítið verið hundast undanfarið, þó hefur Guðjón haldið manni við efnið með hvolpanámskeiðum sem ég fæ að vera viðstaddur.  Flottir hvolpar og áhugasamir eigendur.

Loks var hægt að fara í alvöru göngutúr með Atlas, höfum verið stopp vegna skurðar á þófa hjá Atlasi og anna hjá mér.

Gleðilegt ár,

Í dag eru 5 ár síðan Atlas fæddist austur í Vík í Mýrdal.  hann var einn af 9 systkinum, 8 lifðu og var hann eini guli hvolpurinn.  Í janúar 2007 pöntum við hann hjá ræktanda og fáum afhendann 22 febrúar 2007.  Hann hefur sannarlega verið gleðigjafi þennan tíma.

Þá eru blessuð Jólin að skella á, tíminn líður og um að gera að njóta þess sem hver stund hefur uppá að bjóða.

Ekki verið friður til veiði né æfina fyrir vinnu og öðru amstri síðustu vikurnar.  Tókum stutta æfinum í snjónum í morgun.

Við Atlas fórum í rjúpu hér á Suðurlandi með Kalla frænda mínum.  Vorum í þoku þann tíma sem við vorum í fugli, náðum samt ágætri veiði hvor um sig og sáttir við flottan dag.

Þá er komið í ljós að við félagar fáum að ganga til rjúpna með annað að markmiði en taka myndir af þeim.
Það er margt búið að rita um þessi mál og sitt sýnist hverjum.  Það er mikilvægt að hafa í huga að til að viðhalda þessum rétti okkar veiðimanna þarf að standa vel að rannsóknum og það starf þarf að vinna í sátt.

Við tökum þessum dögum fagnandi og hlökkum til.

kv. Heiðar

Við Atlas fórum í fjallið í gær, þá voru liðnar þrjá vikur alla vega frá síðustu heimsókn.  Á ferð okkur urðu ekki margar rjúpur og var í ekki í takt við það sem hafði verið síðast.  Í gær voru þetta 3 smáir hópar samtals um 10 fuglar.
Fórum aftur í morgun og þá var veðrið búið að þjappa þeim aftur saman, fljótlega komnir í um 40 rjúpna hóp og ekki færri en 60 fuglar í heildina. Ekki leiðinlegt þó að ekki megi veiða þarna er gaman að fylgjast með viðkomunni og hvað maður kemst ótrúlega nálægt þeim. Eins leiðist Atlasi ekki að hafa einhvern tilgang í fjallgöngunni.
 
Tók eina á símann í gær sem gæti verið í betri fókus:

kv. Heiðar