Loks var hægt að fara í alvöru göngutúr með Atlas, höfum verið stopp vegna skurðar á þófa hjá Atlasi og anna hjá mér.

Gleðilegt ár,

Í dag eru 5 ár síðan Atlas fæddist austur í Vík í Mýrdal.  hann var einn af 9 systkinum, 8 lifðu og var hann eini guli hvolpurinn.  Í janúar 2007 pöntum við hann hjá ræktanda og fáum afhendann 22 febrúar 2007.  Hann hefur sannarlega verið gleðigjafi þennan tíma.

Þá eru blessuð Jólin að skella á, tíminn líður og um að gera að njóta þess sem hver stund hefur uppá að bjóða.

Ekki verið friður til veiði né æfina fyrir vinnu og öðru amstri síðustu vikurnar.  Tókum stutta æfinum í snjónum í morgun.

Við Atlas fórum í rjúpu hér á Suðurlandi með Kalla frænda mínum.  Vorum í þoku þann tíma sem við vorum í fugli, náðum samt ágætri veiði hvor um sig og sáttir við flottan dag.

Þá er komið í ljós að við félagar fáum að ganga til rjúpna með annað að markmiði en taka myndir af þeim.
Það er margt búið að rita um þessi mál og sitt sýnist hverjum.  Það er mikilvægt að hafa í huga að til að viðhalda þessum rétti okkar veiðimanna þarf að standa vel að rannsóknum og það starf þarf að vinna í sátt.

Við tökum þessum dögum fagnandi og hlökkum til.

kv. Heiðar

Við Atlas fórum í fjallið í gær, þá voru liðnar þrjá vikur alla vega frá síðustu heimsókn.  Á ferð okkur urðu ekki margar rjúpur og var í ekki í takt við það sem hafði verið síðast.  Í gær voru þetta 3 smáir hópar samtals um 10 fuglar.
Fórum aftur í morgun og þá var veðrið búið að þjappa þeim aftur saman, fljótlega komnir í um 40 rjúpna hóp og ekki færri en 60 fuglar í heildina. Ekki leiðinlegt þó að ekki megi veiða þarna er gaman að fylgjast með viðkomunni og hvað maður kemst ótrúlega nálægt þeim. Eins leiðist Atlasi ekki að hafa einhvern tilgang í fjallgöngunni.
 
Tók eina á símann í gær sem gæti verið í betri fókus:

kv. Heiðar

Tókum þátt í flottu veiðiprófi við Draugatjörn í dag.  Dagur Jónsson var dómari og setti upp flott próf fyrir alla flokka.  Skorið í dag var gott og voru allir þátttakendur í einkun og allir nema einn með 1.einkun.

Atlas stóð sig mjög vel og við lönduðum okkar fyrstu 1.einkun í ÚVFL eftir að hafa fengið 3.einkun 6 sinnum í röð, fyrir það hafði okkur gengið mjög vel í BFL og OFL sjá hér árangur

Myndir frá prófinu komnar á síðuna http://atlas.123.is/album/default.aspx?aid=212885

í gær 16 ágúst hittum við nokkra hvolpaeigendur undan Atlasi og Lísu, mættir voru Hólabergs Tumi, Hólabergs Konný, Hólabergs Orka, Hólabergs Stubbur og Hólabergs Boss.
Það var gaman að sjá hvað þetta voru flottir hvolpar og eigendurnir áhugasamir.  Nokkrir þessara hvolpa eru hugsaðir sem veiðihundar ásamt því að vera góðir heimilishundar.  Kynni mín af þeim lofa góðu, yfivegaðir og vinnufúsir sem er góð blanda.

Guðjón kynnti fugla fyrir þessum tæplega 6 mánaða hvolpum og voru allir að gera fína hluti, það sem út af stendur er alla vega ekki neitt til að hafa áhyggjur af með unga og lítið þjálfaða hvolpa.

Guðjón að kasta fugli fyrir Hólabergs Konný.

Þá er helgin að baki.  Vitað var að þessi hundahelgi þ.e. 2 og 3 júlí í ár yrðu eitthvað meira en bara veiðipróf. Þar sem undirritaður hafði látið hafa sig í að vera prófstjóri og það í fyrsta skipti og þá með erlendum dómara.
það var frábært að kynnast þessu verkefni á þennan hátt. Dómarinn Lars Mertz frá Danmörku var fínasti maður sem kunni sitt fag.  Prófið var vel upp sett og klárað á þessum dögum BFL á laugardegi með 7 hundum og síðan OFL og ÚVFL á sunnudeginum 4 í OFL og 8 í ÚVFL.
Við Atlas héldum okkur við 3.einkun í ÚVFL hins vegar var besti hundur dagsins Lísa sem Guðjón vinur okkar stjórnar og fékk þar með þá einkun sem vantaði uppá til að geta sótt um Veiðimeistaratitil. 
Við verðum aftur með þann 16 júlí við Villingavatn og sjáum hvort við komumst uppúr förunum.

Þarna er verið að setja prófið, líkað ekki illa að hafa orðið svona inná milli :)

Við Atlas tókum þátt í prófi sem haldið var við Melgerðismela í Eyjafjarðarsveit um helgina, þetta var frábært próf á flottum stað. Mikið að nýliðum og naut ég þess að vinna við prófið allan laugardaginn þar sem við vorum ekki að keppa fyrr en á Sunnudaginn.  Prófið var vel uppsett af Halldóri og prófstjórum sem vorur Þorsteinn Birgisson á laugardeginum og Albert Steingrímsson á sunnudeginum.  Við Atlas tókum enn eina 3. einkunina sem er ekki það sem við stefndum að, engu að síður staðreynd og við verðum bara að byggja á þesstu og reyna áfram.
setti inn nokkrar myndir hér

Fór á Hvannadalshnjúk í gær og verð að monnta mig hér eins og á facebook. Fékk ágætt veður, kalt og hvasst af vestri sem stundum kallaði á skafrenning. Hins vegar frábært útsýni og frábæra ferð.

setti inn nokkrar myndir hér

Skruppum að sjá hvolpana undan Atlasi og Öllu. Tveir rakkar Bassi sem er ljós og Tenór sá svarti. Rólegir og yfirvegaðir að sjá.  Þeir eru 5 vikna núna verða tilbúnir til afhendingar um miðjan júní.

Ath. enn eru 2 lausir hjá Hólabergsræktun tilbúnir til afgreiðslu.

hér er mynd af Birnu með þá.